Göyçay rayonunda “5 mart Bədən tərbiyəsi və idman günü”nə həsr olunmuş tədbir keçirilmişdir.
“5 mart - Bədən tərbiyəsi və idman günü”nə həsr olunmuş tədbir keçirilmişdir.
Tədbirdə iştirak edən rayon İcra Hakimiyyəti başçısının müavini, Gənclər və idman idarəsinin kollektivi rayonun tanınmış məşqçi-müəllimləri, müxtəlif beynəlxalq turnirlərin, dünya çempionatlarının və respublika birinciliklərinin qalibləri olan idmançılar, rayonun idman xadimləri əvvəlcə ulu öndər Heydər Əliyevin abidəsi önünə gül dəstələri qoyaraq xatirəsini ehtiramla yad ediblər.
Tədbir rayon İcra Hakimiyyətinin inzibati binasında davam etdirilib.
Tədbiri giriş sözü ilə açan rayon İcra Hakimiyyətinin başçısı cənab Mehdi Səlimzadə bildirdi ki, Prezident İlham Əliyevin Sərəncamına əsasən 5 mart Azərbaycanda “Bədən tərbiyəsi və idman günü” kimi qeyd olunur. Məhz 1995-ci il martın 5-də Ulu Öndər Heydər Əliyev Bakı idman sarayında dünya və Avropa çempionatlarının qalibləri və mükafatçıları ilə görüşüb və həmin gün “İdman Fondu” təsis edilib. Bununlada bədən tərbiyəsi və idmanın inkişafında yeni strategiyanın təməli qoyuldu.
Ölkəmizdə idmanın inkişafı ildən ilə geniş vüsət alır və “Bədən tərbiyəsi və idman günü” ilə əlaqədar müxtəlif yarış və tədbirlərə start verilir.
Rayonumuzun idmançıları da müxtəlif beynəlxalq və Respublika yarışlarında iştirak edərək yüksək nailiyyətlər əldə edirlər, rayonumuzda idmanın inkişafı üçün olimpiya idman kompleksi inşa edilmiş, şəhər stadionu əsaslı şəkildə təmir olunaraq idman sevərlərin istifadəsinə verilmişdir.
Daha sonra Rayon Gənclər və İdman İdarəsinin rəisi Elşən Şirinov, İdman veteranı Feyruz Şükürov, Gənc əməkdar məşqçi Kamran Baxışov çıxış dərək ölkəmizdə idmana və idmançılara göstərilən diqqət və qayğıya görə,onlara yaradılan şəraitə görə ölkə Prezidenti cənab İlham Əliyevə öz minnətdarlıqlarını bildirmişlər.
Sonda idmanda naliyyətləri olan şəxslər rayon İcra Hakimiyyəti başçısı tərəfindən mükafatlandırılmışlar.
