Ümummilli Lideri Heydər Əliyevin 100 illiyi ilə əlaqədar kitab sərgisi keçirilib
Mayın 8-də Göyçay rayon Mərtkəzi Kitabxanasının qarşısında Ümummilli Lideri Heydər Əliyevin 100 illiyi ilə əlaqədar kitab sərgisi keçirilib.
Azərbaycan Respublikasının Dövlət Himninin səslənməsi ilə başlanan tədbirdə tədbirdə Göyçay Rayon İcra Hakimiyyəti başçısının müavini Zivər Zeynalova, YAP Göyçay rayon təşkilatının sədri Sahib Şükürov, Ağdaş Regional Mədəniyyət İdarəsinin rəisi vəzifəsini icra edən Rafiq İsgəndərov, respublikanın əməkdar müəllimləri Adil Məmmədov, Pərviz Yəhyalı, vətən müharibəsi iştirakçıları, kitabxananın fəal oxucular və rayon ictimaiyyətinin nümayəndələri iştirak ediblər.
Təşkil edilmiş sərgiyə baxış keçirildikdən sonra tədbirdə çıxış edən Zivər Zeynalova, Sahib Şükürov, Rafiq İsgəndərov və digərləri dahi şəxsiyyət Heydər Əliyevin ölkənin mədəniyyət sahəsinin inkişafına göstərdiyi xidmətlərdən, həmçinin Azərbaycanda kitabxana işinin vəziyyətinin yaxşılaşdırılması sahəsində fəaliyyətindən bəhs ediblər.
Tədbir zamanı məktəblilərin ifasında Ulu öndər Heydər Əliyevə həsr olunmuş şerlər söylənilib, musiqi və rəqs nömrələri nümayiş etdirilib.
