Şəhər və kəndlərin ərazisində abadlıq işləri aparılıb
Göyçay şəhərində aparılan abadlıq işləri çərçivəsində kəndlərin ərazisində də yaşıllıqların salınması, suvarma arxlarının qazılması və yol kənarlarının tullantılardan təmizlənməsi istiqamətində mütəmadi olaraq işlər görülür.
Rayon İcra Hakimiyyəti başçısının Göyçay şəhər inzibati ərazi dairəsi üzrə nümayəndəliyi və Şəhər Təsərrüfatı Birliyi tərəfindən gün ərzində şəhərin müxtəlif küçələrində, o cümlədən 22 fevral 2023-cü il tarixdə Heydər Əliyev prospekti, Nizami, Nətavan, M.Ə.Rəsulzadə, R.Rza və digər küçələrdə təmizlik işləri aparılıb.
Görülən işlərlə yanaşı rayon İcra Hakimiyyəti başçısının İnçə kənd inzibati ərazi dairəsi üzrə nümayəndəliyinin təşəbbüsü və kənd sakinlərinin dəstəyi ilə kəndin daxili yollarına çınqıl daşı tökülərək qreyderlə hamarlanıb.
Həmçinin rayon İcra Hakimiyyəti başçısının Potu kənd inzibati ərazi dairəsi üzrə nümayəndəliyinin və kənd bələdiyyəsinin təşəbbüsü ilə Göyçay-Ucar avtomobil yolunun Potu kəndinin ərazisindən keçən hissəsində yol kənarları tullantılarından, alaq otlarından təmizlənərək səliqə-səhman yaradılır.
