"Şahinlər" hərbi-idman oyunları üzrə Göyçay rayon birinciliyi keçirilib
15 Aprel 2022-ci il tarixdə "Şahinlər" hərbi-idman oyunları üzrə Göyçay rayon birinciliyi keçirilmişdir.
Keçirilmiş yarışda 35 orta ümumtəhsil məktəbi rayon birinciliyi uğrunda mübarizə aparmışlar.
Tədbirdə rayon İcra Hakimiyyətinin başçısı səlahiyyətlərini müvəqqəti icra edən İkram Vəliyev, RİH başçısının müavini Zivər Zeynalova, Gənclər İdman İdarəsinin rəisi Elşən Şirinov, Yeni Azərbaycan Partiyası rayon təşkilatının sədri Sahib Şükürov, rayon Təhsil Şöbəsinin müdiri Rahib Burcəliyev, SHÇX nümayəndələri iştirak etmişlər.
Bildirildi ki, "Şahinlər" hərbi-idman oyunlarının keçirilməsində məqsəd gənclərdə vətənpərvərlik hissinin yüksəldilməsi və hərbi xidmətə hazırlanmasında köməkliyin göstərilməsidir.
Çıxış edən tədbir iştirakçıları yeniyetmə və gənclər arasında vətənpərvərlik əhval-ruhiyyəsinin gücləndirilməsi, onların dövlətçiliyə sədaqət, vətənə bağlılıq ruhunda formalaşması baxımından əhəmiyyətindən danışdılar.
Gərgin mübarizədən sonra 3 saylı tam orta məktəb birinci yer, 4 saylı tam orta məktəb II yer, İnçə kənd tam orta məktəbi isə III yeri tutmuşlar. Qalib komanda respublika zona yarışına vəsiqə qazanmışdır.
