Rayonun Yenikənd kəndində keçirilən səyyar qəbulda qaldırılan problemlər həll edilir
Rayon İcra Hakimiyyəti başçısının 02 avqust 2023-cü il tarixdə Göyçay rayonunun Yenikənd kəndində keçirilən səyyar qəbul zamanı kənd sakini, Nəbiyev Nəriman Polad oğlunun kəndin giriş hissəsində yerləşən elektrik transformatorun təhlükəsizliyinin təmin edilməsi məqsədilə ətrafının çəpərlənməsi barədə müraciət etmişdir. Edilən müraciət əsasında “Azərişıq” ASC-nin “Mərkəzi Aran” Regional Enerji Təchizatı və Satış İdarəsinin Göyçay Elektrik Şəbəkəsi tərəfindən elektrik transformatorunun ətrafı hasarlanmışdır.
Həmçinin N.Nəbiyevin kənd ərazisində mövcud avtobus dayanacağının yenilənməsi və ya yenisinin quraşdırılması barədə müraciətinə əsasən Yenikənd kəndinin ərazisində “17 №-li Yol İstismarı” MMC tərəfindən yeni avtobus dayanacağı quraşdırılaraq kənd əhalisinin istifadəsinə verilmişdir.
