Rayonun kəndlərində abadlıq, quruculuq və yaşıllaşdırma işləri mütəmadi olaraq davam etdirilir
Göyçay Rayon İcra Hakimiyyəti başçısının tapşırıq və tövsiyələrinə əsasən rayon ərazisində aparılan abadlıq, quruculuq, yaşıllaşdırma, təmizlik işləri mütəmadi olaraq davam etdirilir.
- Rəqəmsal İnkişaf və Nəqliyyat Nazirliyinə məxsus "Aztelekom” MMC tərəfindən Göyçay rayonunun Bığır kəndində GPON (Gigabit Passive Optical Networks) texnologiyası əsasında fiber-optik şəbəkənin quraşdırılması işlərinə başlanılıb.
- Alxasava kənd inzibati ərazi dairəsi üzrə nümayəndəliyin təşkilatçılığı kəndin daxili yollarına çınqıl daşı tökülərək qreyderlə hamarlanma işlər aparılıb.
- Rayonun Çaxırlı kəndi ərazisində baramaçılığın yem bazasının möhkəmləndirilməsi və yaşıllıqların artırılması məqsədilə yeni tut tingləri ağacları əkilib.
- Mallı Şıxlı kənd inzibati ərazi dairəsi üzrə nümayəndəliyinin təşəbbüsü ilə Ərəbşahverdi kəndindin mərkəzi yolunun kənarları kol-kosdan, məişət tullantılarından təmizlənmiş, ərazidə abadlıq işləri aparılaraq qaydaya salınmışdır.
