Rayon İcra Hakimiyyəti başçısının yerlərdə keçirdiyi səyyar qəbullar zamanı vətəndaşlar tərəfindən qaldırılan məsələlər həll edilir
08 dekabr 2022-ci il tarixdə rayon İcra Hakimiyəti başçısının İkinci Ərəbcəbirli kəndində keçirdiyi səyyar qəbul zamanı vətən müharibəsi əlili Cəbrayılov Emin Cavanşir oğlunun kənd sakinləri üçün futbol meydançası yaradılması ilə bağlı müraciət etmişdir.
Müraciəti ilə bağlı rayon icra hakimiyyəti başçısının tapşırığına əsasən İkinci Ərəbcəbirli kənd inzibati ərazi dairəsi üzrə nümayəndəliyi tərəfindən vətəndaşın qeyd etdiyi ərazidə texnika vasitəsilə təmizlik işləri aparılır və qısa müddət ərzində işlərin yekunlaşması nəzərdə tutulur.
Həmçinin səyyar qəbulda vətəndaşlar tərəfindən kəndin məhəllələrinin qaydaya salınması ilə bağlı etdikləri müraciətə əsasən hazırda Rauf İsayev küçəsinin Ərəbcəbirli kəndinin ərazisindən keçən hissəsinə və dalanlarına yeni asfalt örtüyü vurulur.
