Rayon ərazisində təmizliklə bağlı yenidən iməclik keçirildi

Avqustun 12-də şəhər ərazisində və kəndlərdə ətraf mühitin təhlükəsizliyinin, insanların sağlamlığının təmin edilməsi, rayon ərazisinin təmiz saxlanılması məqsədilə şəhər və kənd icra nümayəndələri, bələdiyyələr, sakinlər və digər qurumların iştirakı ilə daxili iməclik təşkil edilib.

Şəhərin müxtəlif ərazilərində baş tutan iməclik zamanı prospekt, küçə və yolların kənarlarında yaşıllıqlara qulluq olunub, ərazilərdə olan kol-kos, alaq otları, tullantılar təmizlənib, zibilliklər ləğv edilib, eyni zamanda digər abadlıq işləri görülüb.

Həmçinin rayonun Aşağı Qaraməryəm, Alpout, Alxasava, İnçə, Ləkçıplaq, Çaxırlı, Məlikkənd, Şəhadət, Cəyirli, Qaraməryəm, Qızılağac, Potu, Qaraman, Mırtı, Şəkər, Mallı Şıxlı, Yeniarx, Çərəkə, Bığır və Bəydövül kənd inzibati ərazi dairəsi üzrə nümayəndəliklər tərəfindən suvarma arxlarında lil və çöküntülərdən, təbii qaz xəttlərinin üzəri kol-kosdan, yol kənarları məişət tullantıları, polietilen torbalardan təmizlənmiş, ərazilərdə abadlıq işləri aparılmış, yeni ağaclar əkilərək yaşıllıq zolaqlarına qulluq göstərilib.

Bütün bu görülən işlərə baxmayaraq yol kənarlarına yenə də tullantılar atılır, yaşayış məntəqələrinin ətrafında kütləvi zibilliklər yaranır. Ona görə də rayonumuzun sakinlərini və qonaqlarını təmizliyə riayət etməyə, ətraf mühiti və təbiətimizi qorumağa çağırırıq.