Rayon ərazisində görülən abadlıq işlər geniş vüsət alıb

Son zamanlar Göyçay rayonunda aparılan abadlıq işləri və görülən profilaktiki tədbirlər rayon sakinləri tərəfindən razılıqla qarşılanır, həmçinin rayonumuza gələn qonaqlar da xoş təəsürat yaradır.

Rayon İcra Hakimiyyəti başçısının Qarabaqqal kənd inzibati ərazi dairəsi üzrə nümayəndəliyinin təşəbbüsü və kənd sakinlərinin dəstəyi ilə Bakı-Şamaxı-Yevlax avtomobil yolunun Qarabaqqal kəndinin ərazisindən keçən hissəsində iməclik təşkil olunmuş, ərazi kol-kosdan və məişət tulantılarından təmizlənərək qaydaya salınmışdır.

Həmçinin nümayəndəlik tərəfindən Qarabaqqal kənd inzibati ərazi dairəsi üzrə nümayəndəliyinə daxil olan Çayarxı kəndində vətəndaşların istifadə etdiyi əsas gediş-gəliş yolunun 7 km məsafəsi xüsusi texnika vasitəsilə cari təmir edilib.

Görülən işlərlə yanaşı Çərəkə inzibati ərazi dairəsi üzrə nümayəndəliyi tərəfindən ağacəkmə, Bığır və Ləkçılpaq kənd inzibati ərazi dairəsi üzrə nümayəndəliklərinin təşəbbüsü ilə kənd ərazisində və yol kənarlarında təmizlik, ağacların budanması işləri aparılıb.

Rayon İcra Hakimiyyəti başçısının Potu kənd inzibati ərazi dairəsi üzrə nümayəndəliyinin təşkilatçılığı və rayon Suvarma Sistemləri idarəsinin texnikası vasitəsilə kənd ərazisində suvarma arxının 250 metr məsafəsi lil və çöküntülərdən təmizlənmişdir.

Rayonunun digər kəndlərində də gündəlik olaraq abadlıq işləri aparılır.