Kəndlərdə “Yaşıl dünya naminə həmrəylik ili” çərçivəsində abadlıq işləri aparılıb

“Yaşıl dünya naminə həmrəylik ili” çərçivəsində Göyçay rayonunda yol kənarlarının abadlaşdırılması, yaşıllıqların artırılması və qəbiristanlıq sahələrində səliqə-səhman işlərinin görülməsi istiqamətində kənd inzibati ərazi dairələri üzrə nümayəndəliklərinin, eləcə də kənd bələdiyyələrinin iştirakı ilə tədbirlər davam etdirilir.

10 oktyabr 2024-cü ilə tarixdə Çaxırlı, Aşağı Qaraməryəm, Məlikkənd və Yalman kənd inzibati ərazi dairələri üzrə nümayəndəliklərinin və kənd bələdiyyələrinin təşkilatçılığı ilə qəbiristanlıq sahəsində iməcliklər təşkil edilərək alaq otlarından, kol-kosdan təmizlənib, mövcud yaşıllıqlara aqrotexniki qulluq göstərilib.

Təmizliklə bağlı aparılan tədbirlər çərçivəsində Yalman kəndində mərkəzi yolun kənarları alaq otlarından təmizlənərək səliqə-səhman işləri aparılıb.

Aparılan abadlıq işləri ilə yanaşı rayonun Alxasava kəndində Göyçay Elektrik Şəbəkəsi tərəfindən elektrik xətlərinin üzərinə düşən ağacların budaqlarında yaşıl budama işləri aparılaraq elektrik enerjisi ilə təminatın dayanıqlı olması və yanğın hadisələrinin qarşısının alınması istiqamətində tədbirlər görülüb.

“Yaşıl dünya naminə həmrəylik ili” çərçivəsində abadalıq və təmizlik işləri mütəzəm olaraq rayonun digər kəndlərində də həyata keçirilir.