İcra başçısı Türkmən kəndində növbəti səyyar qəbul keçirib

11 oktyabr 2024-cü il tarixdə Göyçay Rayon İcra Hakimiyyətinin başçısı Cəyirli kənd inzibati ərazi dairəsi üzrə nümayəndəliyinə daxil olan Türkmən kəndində vətəndaşlarla növbəti səyyar qəbul keçirib.

Qəbulda rayon İcra Hakimiyyətinin başçısı Natiq Ağayev, Milli Məclisin deputatı Sabir Hacıyev, RİH başçısı aparatının məsul şəxsləri, idarə, müəssisə, təşkilat rəhbərləri və kənd sakinləri iştirak ediblər.

Göyçay Rayon İcra Hakimiyyətinin başçısı Natiq Ağayev ölkəmizdə sosial-iqtisadi sahədə qazanılan uğurlardan, eləcə də Göyçay rayonunda aparılan abadlıq işlərindən və əhalinin sosial problemlərinin həlli istiqamətində həyata keçirilən tədbirlər barədə kənd sakinlərinə ətraflı məlumat vermişdir.

Sonra Rayon İcra Hakimiyyəti başçısının Cəyirli kənd inzibati ərazi dairəsi üzrə nümayəndəsi Vüsal Abbasov çıxış edərək Türkmən kəndinin əhalisi, sosial-iqtisadi inkişafı, kənd sakinlərinin məşğuliyyəti və nümayəndəlik ərazisində görülən işləri qeyd edib.

Səyyar qəbul zamanı kənd sakini Xudiyev Əlibala İsa oğlu kəndin mərkəzi yolunun təmirsiz olan hissəsinə asfalt örtüyünün vurulması, içməli su təminatının yaxşılaşdırılması, elektrik enerijisi ilə təminatda tez-tez fasilələrə yol verilməsi və Hüseynov Mahir Əbülfəz oğlu kəndin mərkəzi yolunun müəyyən hissələrinə süni maneə zolağının quraşdırılması barədə müraciət etmişlər.

Kənd sakinləri onların müraciətlərinə diqqət və həssaslıqla yanaşıldığı üçün ölkə başçısına və rayon rəhbərliyinə öz minnətdarlıqlarını bildiriblər.