İcra başçısı Qaraman kəndində növbəti səyyar qəbul keçirib

06 noyabr 2024-cü il tarixdə Göyçay Rayon İcra Hakimiyyətinin başçısı Qaraman kəndində vətəndaşlarla növbəti səyyar qəbul keçirib.

Qəbulda rayon İcra Hakimiyyətinin başçısı Natiq Ağayev, Milli Məclisin deputatı Sabir Hacıyev, RİH başçısı aparatının məsul şəxsləri, idarə, müəssisə, təşkilat rəhbərləri və kənd sakinləri iştirak ediblər.

Göyçay Rayon İcra Hakimiyyətinin başçısı Natiq Ağayev ölkəmizdə sosial-iqtisadi sahədə qazanılan uğurlardan, eləcə də Göyçay rayonunda aparılan abadlıq işlərindən və əhalinin sosial problemlərinin həlli istiqamətində həyata keçirilən tədbirlər barədə kənd sakinlərinə ətraflı məlumat vermişdir.

Rayon İcra Hakimiyyəti başçısının Qaraman kənd inzibati ərazi dairəsi üzrə nümayəndəsi Vüqar Bəkirov çıxış edərək kəndin əhalisi, sosial-iqtisadi inkişafı, kənd sakinlərinin məşğuliyyəti və nümayəndəlik ərazisində görülən işləri qeyd edib.

Səyyar qəbul zamanı kənd sakini Samir Süleymanov kəndin içməli su ilə təminatında yaranmış çətinlik, elektrik enerjisi verilişində tez-tez fasilələrin yaranması və Eldəniz Mehdiyev kənd ərazisində uşaq bağçasının olmaması barədə müraciət etmişlər.

Sonda kənd sakinləri onların müraciətlərinə diqqət və həssaslıqla yanaşıldığı üçün ölkə başçısına və rayon rəhbərliyinə öz minnətdarlıqlarını bildiriblər.