Göyçayda mövsümü ağacəkmə aksiyaları davam etdirilir
13 fevral 2023 | 11:14
Mövsümlə əlaqədar Göyçay rayonunun müxtəlif ərazilərində ağac əkilməsi və yaşıllaşdırma işləri davam etdirilib.
Yaşıllıq sahələrinin artırılması məqsədilə rayon icra hakimiyyəti başçısının İkinci Ərəbcəbirli, Çərəkə və Bığır kənd inzibati ərazi dairəsi üzrə nümayəndəliklərinin təşkilatçılığı ilə ağacəkmə aksiyası keçirilib.
Bələdiyyə üzvlərinin və kənd sakinlərinin fəal iştirak ilə keçirilən aksiyada yerli landşafta uyğun müxtəlif ağaclar əkilib. Əkilən ağaclara üzvi gübrə verilərək suvarılıb, mövcud yaşıllıqlara qulluq edilib.
Rayon üzrə keçirilən bu cür aksiyaların əsas məqsədi ağac əkilməsini təşviq edərək təbiətin mühafizəsinə, eləcə də sağlam ekoloji mühitin yaradılmasına töhfə verməkdir.
Keçidlər
