Göyçayda “Heydər Əliyev İli” çərçivəsində “Nurlu ömrün anları” adlı teatr tamaşası nümayiş olunub
Azərbaycan Respublikasının Mədəniyyət Nazirliyinin və Cəfər Cabbarlı adına İrəvan Dövlət Azərbaycan Dram Teatrının birgə təşkilatçılığı ilə Göyçay Rayon Heydər Əliyev Mərkəzində Ümummilli Lider Heydər Əliyevin 100 illik yubileyi ilə əlaqədar “Nurlu ömrün anları” adlı teatr tamaşası nümayiş olunub.
Təbdirdə Azərbaycan Respublikasının Mədəniyyət Nazirliyinin Ağdaş Regional Mədəniyyət İdarəsinin və İrəvan Dövlət Azərbaycan Dram Teatrının əməkdaşları və rayon sakinləri iştirak ediblər.
Əməkdar mədəniyyət işçisi, şair-dramaturq İftixar Piriyevin müəllifi olduğu mənzum dram İrəvan teatrında 2013-cü ildə səhnəyə qoyulub.
Ulu öndər Heydər Əliyevin həyat yolundan, fəaliyyətindən bəhs edən əsərə müəllif özü quruluş verib.
Tamaşa rayon sakinləri tərəfindən böyük maraqla qarşılanıb.
