Göyçay şəhəri ərazisində asfaltlanma və işıqlandırma işləri aparılıb
Son aylar Göyçay rayonu ərazisində abadlıq işləri çərçivəsində küçələrin, avtomobil və piyada yollarının qaydaya salınması, işıqlandırılması istiqamətində əsaslı işlər aparılır.
Göyçay rayonunun Kürd kəndində Birinci Qarabağ müharibəsində şəhid olmuş Niyaz Məmmədovun adını daşıyan küçəyə asfalt örtüyü çəkilmişdir.
Şəhərin Natəvan və Z.Tağıyev küçələrində avtomobillərin və piyadaların rahat gediş-gəlişinin təmin olunması üçün dalanlara yeni asfalt örtüyü çəkilərək cari təmir işləri aparılıb.
Görülən işlərlə yanaşı rayon icra hakimiyyəti başçısının Göyçay şəhər inzibati ərazi dairəsi üzrə nümayəndəliyi tərəfindən küçələrin işıqlandırılması prosesi də planlı şəkildə aparılır. Şəhərin Ə.Cavad küçəsində yeni işıqlandırma sistemi quraşdırılmışdır.
Həmçinin şəhərin Rəsul Rza və Atatürk küçələrində yararsız vəziyyətdə olan işıqlandırma dirəkləri yenilənmişdir.
