Göyçay rayonununda təmizlik və abadlıq aksiyası həyata keçirilir
05 avqust 2023-cü il tarixdə Göyçay Rayon İcra Hakimiyyətinin təşkilatçılığı və inzibati ərazi dairələri üzrə nümayəndəliklərinin, kənd sakinlərinin dəstəyi ilə yol kənalarının ətrafında və qəbiristanlıqlarda təmizlik, abadlıq aksiyası həyata keçirildi.
Qaraməryəm, Bığır və Şəhadət kənd inzibati ərazi dairələri üzrə nümayəndəliklərinin təşkilatçılığı ilə Bakı-Şamaxı-Yevlax avtomobil yolunun həmin kəndlərin ərazisindən keçən hissəsində kol-kosdan, alaq otlarından və məişət tullantılarından təmizlənmişdir.
Hazırda rayon İcra Hakimiyyəti başçısınının Alxasava, Birinci Ərəbcəbirli, Çaxırlı, Yalman, Qızılağac, Çərəkə, Qarabaqqal, Aşağı Qaraməryəm və Cəyirli kənd inzibati ərazi dairələri üzrə nümayəndəliklərində təmizlik aksiyası davam edir.
Aksiyanın təşkilində əsas məqsəd rayon ərazisində təmizliyə riayət olunmasını təbliğ etmək, şəhərin müxtəlif məişət və digər tullantılarla zibillənməsinin qarşısını almaq, gəncləri ətraf mühitin mühafizəsi uğrunda mübarizəyə cəlb etmək və bununla bağlı əhali arasında məsuliyyət hissini daha da artırmaqdır.
