Göyçay rayonunun Şəkili kənd sakinlərinin səyyar qəbulda etdiyi müraciətlər öz müsbət həllini tapıb
Rayon İcra Hakimiyyəti başçısının 10 avqust 2023-cü il tarixdə Göyçay rayonunun Şəkili kəndində keçirilən səyyar qəbul zamanı kənd sakini, İsmayılov Telman Valeh oğlunun kənd ərazisindən keçən şirə kanalının lil və çöküntülərdən təmizlənməsi və kənd ərazisində avtobus dayanacağının quraşdırılması barədə müraciət etmişdir. Edilən müraciət əsasında rayon Suvarma Sistemləri İdarəsinin texnikası vasitəsilə suvarma arxı 400 metr məsafədə lil və çöküntülərdən təmizlənərək suyun ötürücülük qabiliyyəti artırılmışdır.
Həmçinin T.İsmayılovun kənd ərazisində avtobus dayanacağının quraşdırılması barədə etdiyi müraciət əsasında Göyçay rayon “17 №-li Yol İstismarı” MMC tərəfindən yeni avtobus dayanacağı quraşdırılaraq kənd əhalisinin istifadəsinə verilmişdir.
Şəkili kənd sakini, Adgözəlova Məhbubə Ələddin qızının yüksək gərginlikli elektrik xəttinin həyətyanı sahəsinə düşən hissəsində dirəyin qəzalı vəziyyətdə olması barədə etdiyi müraciət əsasında “Azərişıq” ASC-nin “Mərkəzi Aran” Regional Enerji Təchizatı və Satış İdarəsinin Göyçay Elektrik Şəbəkəsi tərəfindən elektrik dirəyi təmir edilmişdir.
