Göyçay rayonunun Kürdəmiş kəndində rayon icra hakimiyyətinin başçısı vətəndaşlarla səyyar qəbul keçirdi
05 yanvar 2023-cü il tarixdə rayon İcra Hakimiyyətinin başçısı Cəyirli kənd inzibati ərazi dairəsi üzrə nümayəndəliyinə daxil olan Kürdəmiş kəndində vətəndaşlarla səyyar qəbul keçirdi.
Qəbulda rayon İcra Hakimiyyətinin başçısı Natiq Ağayev, RİH başçısı aparatının məsul şəxsləri, idarə, müəssisə, təşkilat rəhbərləri və kənd sakinləri iştirak edirdilər.
Səyyar qəbul zamanı vətəndaşların təklif, müraciət və şikayətləri dinlənildi. Vətəndaşların müraciətlərində qaldırılan məsələlərin bir qisminin həllinə yerindəcə köməklik göstərildi, araşdırılmasına ehtiyac olan digər məsələlərin həlli aidiyyəti müəssisə və təşkilat rəhbərlərinə tapşırılaraq nəzarətə götürüldü.
Kənd sakinləri onların müraciətlərinə diqqət və həssaslıqla yanaşıldığı üçün rayon rəhbərliyinə və ölkə başçısına öz minnətdarlıqlarını bildirdilər.
