Göyçay rayonunda “Yaşıl dünya naminə həmrəylik ili” çərçivəsində aparılan abadlıq və təmizlik işləri davam etdirilir
Göyçay rayonunda Şəhər Təsərrüfatı Birliyi tərəfindən küçələrdə gündəlik olaraq aparılan təmizlik işlərindən əlavə, “Yaşıl dünya naminə həmrəylik ili” çərçivəsində rayon icra hakimiyyəti başçısının kənd inzibati ərazi dairələri üzrə nümayəndəliklərinin iştirakı ilə yolların kənarlarına vətəndaşlar tərəfindən atılan müxtəlif adda yararsız məişət əşyalarının və tullantıların toplanaraq götürülməsi işləri də davam etdirilir.
02 noyabr 2024-cü il tarixdə rayon icra hakimiyyəti başçısının Aşağı Qaraməryəm, İkinci Ərəbəcbirli, Müskürlü, Potu və Kürdşaban kənd inzibati ərazi dairələri üzrə nümayəndəliklərinin və kənd bələdiyyələrinin təşkilatçılığı ilə kəndlərin daxili yollarının kənarları alaq otlarından, kol-kosdan və məişət tullantılarından təmizlənmişdir.
Qeyd edəki ki, aparılan təmizlik işləri ilə yanaşı vətəndaşlar arasında mütəmadi olaraq maarifləndirmə tədbirlərini də davam etdirməyimizə baxmayaraq, bu gün də bəzi sakinlər tərəfindən küçələrin müxtəlif hissələrinə, hasarların önünə, yol kənarlarına tullantılar və yararsız məişət əşyaları atılır.
