Göyçay rayonunda “Şahin” hərbi-idman oyunları üzrə zona birinciliyi keçirilib

Azərbaycan Respublikasının Gənclər və İdman Nazirliyi, Azərbaycan Respublikasının Müdafiə Nazirliyi, Azərbaycan Respublikasının Elm və Təhsil Nazirliyi, Azərbaycan Respublikasının Fövqəladə Hallar Nazirliyi, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin birgə təsdiqlədiyi Əsasnaməyə uyğun olaraq Göyçay rayonunda “Şahin” hərbi-idman oyunları üzrə zona birinciliyi keçirildi.

Azərbaycan Respublikasının Dövlət Himninin səslənməsi ilə başlanan tədbirdə Vətənin azadlığı və ərazi bütövlüyü uğrunda həlak olmuş şəhidlərin xatirəsi birdəqiqəlik sükutla yad edildi.

Zona birinciliyi yarışında Mərkəzi Aran İqtisadi rayonu üzrə Mingəçevir şəhəri, Göyçay, Ağdaş, Kürdəmir, Ucar, Yevlax və Zərdab rayonlarının, Dağlıq Şirvan iqtisadi rayonu üzrə Ağsu, İsmayıllı, Qobustan və Şamaxı rayonlarının və Şəki şəhərinin komandaları iştirak ediblər.

"Şahin" hərbi-idman oyunun zona birinciliyi yarışında gərgin mübarizədən sonra İsmayıllı komandası I yer tutaraq finala vəsiqə qazanıb, Il yerə Zərdab rayonu, lll yerə isə Yevlax rayonu layiq görülmüşdür.

Qalib komandalar respublika birinciliyi üzrə keçiriləcək “Şahin” hərbi-idman oyunlarının final mərhələsinə vəsiqə qazanıblar.