Göyçay rayonun kəndlərində Novruz bayramı tədbirləri keçirilib
Göyçay rayonun kəndlərində xalqımızın müqəddəs bayramı olan, özündə adət-ənələrimizi, milli varlığımızın çoxəsrlik tarixini əks etdirən Novruz bayramı tədbirləri keçirilib.
Rayonun Məlikkənd, Qarabaqqal, İnçə və Aşağı Qaraməryəm kəndlərində mədəniyyət evinin və kənd tam orta məktəblərin təşkilatçılığı ilə keçirilən bayram tədbirlərində çıxış edənlər mədəni dəyərləri, eləcə də xeyirxahlıq, birlik və həmrəylik kimi gözəl ənənələri əks etdirən Azərbaycan xalqının qədim tarixinin yadigarı və milli varlığının rəmzlərindən biri olan Novruzun gəlişi münasibətilə tədbir iştirakçılarını təbrik edərək, xoş arzularını bildiriblər.
Baharın gəlişindən xəbər verən xoş ovqatlı Novruz tədbirləri maraqlı konsert proqramı və rəqslərlə davam edib.
Sonda bayram tonqalı yandırılıb.
