Göyçay rayonu ərazisində ictimai iaşə obyektlərinin layihələndirilməsi və quraşdırılması üzrə elan edilmiş müsabiqə yekunlaşdı

Göyçay rayonu ərazisində müasir üslubda, əhaliyə keyfiyyətli xidmət göstərə biləcək yüngül konstruksiyalardan ibarət ictimai iaşə obyektlərinin layihələndirilməsi və quraşdırılması üzrə Rayon İcra Hakimiyyəti tərəfindən müsabiqə elan edilmişdir.

12 may 2023-cü il tarixdə rayon icra hakimiyyətində müsabiqənin nəticələri ilə bağlı layihə təqdim etmiş vətəndaşlarla görüş keçirildi.

Müsabiqəyə sahibkarlar tərəfindən 3 layihə təqdim edilmişdir. Müsabiqənin nəticələrinə əsasən 3 layihədən 2-si qalib elan edilmişdir. Digər şəxsin layihəsi müsabiqə qaydalarına əsasən yüngül konstruksiyalardan və vizual görünüşü müasir üslubda olmadığı üçün imtina edilmişdir.

Görüşdə layihə təqdim etmiş şəxslər Göyçay şəhər sakini Qalib Qasımov və Mırtı kənd sakini Tural Xəlilov çıxış edərək sahibkarlığın inkişafı üçün göstərilən diqqət və qayğıya görə rayon rəhbərliyinə təşəkkürlərini bildirmişlər.

Müsabiqənin keçirilməsində məqsəd rayon əhalisinin və qonaqların mədəni istirahəti, asudə vaxtının səmərəli təşkil olunması, turizmin inkişafı eləcə də yeni iş yerlərinin yaradılmasıdır.

Növbəti müsabiqənin keçirilməsi barədə elan rayon icra hakimiyyətinin rəsmi səhifəsində məlumat paylaşılacaqdır.

İnşa olunacaq iaşə obyektlərinin layihə şəkilləri əlavə olunur.