Göyçay Gənclər Evində Yeni il şənliyi keçirildi
23 dekabr 2022-ci il tarixdə şəhid və qazi ailələrinin övladları, həmçinin sağlamlıq imkanları məhdud olan uşaqları üçün Göyçay Gənclər Evində yeni il şənliyi keçirilib.
Tədbirdə uşaqlarla birgə müxtəlif nağıl qəhrəmanları, Şaxta baba və Qar qız iştirak ediblər.
Dünya Azərbaycanlılarının Həmrəyliyi Günü və Yeni il münasibətilə uşaqları təbrik edən rayon İcra Hakimiyyəti başçısının müavini Zivər Zeynalova, Yeni Azərbaycan Partiyasının rayon təşkilatının sədri Sahib Şükürov, rayon Gənclər və İdman İdarəsinin rəisi Elşən Şirinov, rayon Təhsil sektorunun müdiri Rauf Məmmədov onlara xoşbəxt və uğurlu həyat arzulayıblar.
Tədbirin bədii hissəsində nağıl qəhrəmanları uşaqlarla birlikdə rəqs edib, müxtəlif yarışlar keçirib və oyunlar qurublar.
Sonda uşaqlara bayram hədiyyələri təqdim edilib.
