Göyçay çayının sahilində “Yaşıl dünya naminə həmrəylik ili” çərçivəsində ağacəkmə aksiyası keçirilib
22 noyabr 2024-cü il tarixdə “Yaşıl dünya naminə həmrəylik ili” çərçivəsində Göyçay çayının sahilində Göyçay Rayon İcra Hakimiyyətinin və "Siberian Welness" MMC-nin təşkilatçılığı ilə ağacəkmə aksiyası keçirilib.
Aksiyada Göyçay Rayon İcra Hakimiyyətinin başçısı Natiq Ağayev, "Siberian Welness" MMC-nin, Göyçay şəhər inzibati ərazi dairəsi üzrə nümayəndəliyin, Şəhər Təsərrüfatı Birliyinin, Göyçay bələdiyyəsinin, Göyçay rayonu üzrə gənclər və idman sektorunun, 8 saylı Ekologiya və Təbii Sərvətlər İdarəsinin kollektivləri iştirak ediblər.
Səhər saatlarından başlanan ağacəkmə kampaniyası çərçivəsində rayonun iqlim şəraitinə uyğun müxtəlif növ 800 ədəd ağac əkilib.
Yeni əkilən tinglər suvarılıb, aqrotexniki qaydada qulluq göstərilib və ərazidə müvafiq abadlıq işləri aparılıb.
Ümumilikdə 2000 ədəd ağacın əkilməsi nəzərdə tutulan aksiya növbəti günlərdə də davam etdiriləcək.
