“Aprel döyüşləri - qələbənin ilk cığırı" adlı tədbir keçirildi

Göyçay rayon Heydər Əliyev Mərkəzi və Göyçay rayon 1 saylı şəhər kitabxana filialının birgə təşkilatçılığı ilə Aprel döyüşlərinə həsr olunmuş "Aprel döyüşləri - qələbənin ilk cığırı" adlı tədbir keçirilib.

Tədbirdə ilk olaraq vətən uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.

Sonra Tarix müəlliməsi Firəngiz Məmmədyarova çıxış edərək, qeyd edib ki 2016-cı il aprelin əvvəllərində Azərbaycanın ön xətt mövqeləri və yaşayış məntəqələri Ermənistan silahlı qüvvələri tərəfindən intensiv artilleriya atəşinə məruz qalanda ordumuzun bölmələri əks-həmlə ilə təxribatların qarşısını aldı. Bu, aprel döyüşləri kimi tarixləşdi.

Aprel döyüşlərində qəhrəmanca şəhid olmuş Qasımov Teymurun atası Mikayıl Qasımov çıxış edərək Teymurun keçdiyi döyüş yolundan, onun vətənə olan sevgisidən danışıb.

7 saylı tam orta məktəbin Il - sinif şagirdi Qasımlı Dəniz vətən şəhidləri haqqında şeirlər səsləndirib.

Vətən müharibəsi iştirakçısı Bayram Vəliyev qeyd etdi ki, Aprel döyüşləri 2020-ci ildə qazandığımız böyük Zəfəri şərtləndirən əsas amillərdən biri idi. İstər Aprel döyüşləri, istər 44 günlük İkinci Qarabağ müharibəsi Azərbaycan xalqında torpaq, Vətən sevgisinin nə qədər böyük olduğunu ortaya qoydu.

Sonda Aprel döyüşlərinə həsr olunmuş videoçarx nümayiş etdirilib.