Şəhid Elnur Əliyevin ad günü qeyd olundu

10 fevral 2021 | 16:00

10 fevral 2021-ci il tarixdə rayonun Potu kəndi sakini, İkinci Qarabağ müharibəsində şəhidlik zirvəsinə yüksələn Elnur Ərəstun oğlu Əliyevin ad günü Şəhidin evində və məzarı önündə, rayon İcra Hakimiyyəti başçısı, aparatının məsul şəxsləri, dindarlar, ağsaqqallar və gənclərlə birlikdə qeyd olundu.
Əvvəlcə Şəhidin əziz xatirəsi ehtiramla yad olunub, məzarı üzərinə gül dəstələri düzülüb.
Tədbirdə Azərbaycan Ordusunun qüdrətindən, şəhidlərimizin döyüş zamanı göstərdiyi qəhrəmanlıqlardan söz açdılar. Bildirildi ki, Azərbaycan xalqı Ali Baş Komandan cənab İlham Əliyevin rəhbərliyi və müzəffər ordumuzun qüdrəti altında qəhrəman oğullarımız sonsuz cəsarət və qəhrəmanlıq göstərərək həyatları bahasına torpaqlarımızı düşməndən təmizlədi. Üçrəngli bayrağımız respublikamızın bütün guşələrində olduğu kimi, işğaldan azad edilmiş torpaqlarımızda da əzəmətlə dalğalanmaqdadır.
Şəhid Elnur Əliyevin yaşadığı evdə davam edən tədbirdə şəhidimizin keçdiyi döyüş yolundan, Vətən uğrunda göstərdiyi şücaətdən danışılıb.
Şəhidin atası bu gün Elnurun ad günündə göstərilən diqqət və qayğıya görə rayon icra hakimiyyəti başçısına ailəsi adından təşəkkürünü bildirdi

Keçidlər