65 yaşdan yuxarı olan tənha yaşayan şəxslərə köməklik olunması daim diqqətdə saxlanılır
Ölkə ərazisində tətbiq olunmuş xüsusi karantin rejimi ilə əlaqədar Azərbaycan Respublikası Milli Məclisinin deputatı Məzahir Əfəndiyev Azərbaycan Respublikası Nazirlər Kabinetində yaradılmış Operativ Qərargahın sərəncam və tövsiyyələrini rəhbər tutaraq epidemiyadan qorunmaq üçün evdə qalmaq, çölə çıxmamaq məqsədilə rayonun 65 yaşından yuxarı yaşlı nəsil nümayəndələrinə və sakinlərinə “Kale textil” firmasında hazırlanmış qoruyucu tibbi maskalar, spirt məhlulu və əhalinin maarifləndirilməsi üçün “#evdəqal” çağırışlı bukletlər göndərmişdir.
Göndərilmiş tibbi ləvazimatlar əhaliyə, Mərkəzi rayon Xəstəxanasının Publik Hüquqi şəxsin əməkdaşlarına, Sanitar-Təmizlik, Abadlaşdırma və tikinti İdarələrində, həmçinin Mənzil istismar sahəsində çalışan fəhlələrə rayon İcra Hakimiyyətinin könüllüləri tərəfindən çatdırılmışdır.
