Xüsusi karantin rejimi ilə bağlı kəndlərdə maarifləndirici və dezinfeksiyaedici tədbirləri davam edir

Xüsusi karantin rejiminin tələblərinin icrası ilə bağlı hər gün müntəzəm olaraq şəhər və kəndlərdə maarifləndirmə və dezinfeksiyaedici işlər aparılır.
Səsgücləndirici qurğular quraşdırılmış avtomobillər vasitəsilə sakinlərə karantin rejiminin tələblərinə riayət olunması ilə bağlı çağırışlar edilir. Sakinlərə şəxsi gigiyena qaydalarına əməl etmək, özünütəcrid tədbirlərinə uyğun davranmaq, yalnız ciddi ehtiyac yarandıqda evdən çıxmaq, digər şəxslərlə minimum kontaktda olmaq tövsiyə edilir.
Eyni zamanda, infeksiyanın yayılmasının qarşısının alınması məqsədilə rayonda dezinfeksiya işləri davam edir. Qarabaqqal kənd inzibati ərazi dairəsinə daxil olan kəndlərin ərazisi və rayonun Mərkəzi Məscidi dezinfeksiya olunmuşdur.
Həmçinin ahıl vətəndaşların evdən çıxmadan sosial tələblərini ödəmək üçün Alpout, Yenirax, Məlikkənd, Alxasava kənd inzibati ərazi dairələri üzrə nümayəndələri tərəfindən köməklik göstərilib. Karantinə götürülmüş ailə Qafqaz Müsəlmanları İdarəsinin Regional Şöbəsi tərəfindən ərzaq məhsulları ilə təmin olunub.
Ümumilikdə bugünədək rayonun 10 kəndində yaşlı vətəndaşlara və aztəminatlı ailələrə ərzaq paylanmış, mobil qrup üzvləri tərəfindən təhkim olunduqları ərazilərdə 367 ailəyə baş çəkilmişdir.
Görülən bütün tədbirlər rayon sakinlərinin təhlükəsizliyinin təmin edilməsi və sağlamlığının qorunması məqsədilə həyata keçirilir.