Göyçay rayonunda Ümummilli Lider Heydər Əliyevin anadan olmasının 94-cü ildönümü qeyd olunub

Ümummilli Lider Heydər Əliyevin anadan olmasının 94-cü ildönümü Göyçay rayonun da müxtəlif tədbirlərlə qeyd olunub.İctimaiyyət nümayəndələri öncə dahi şəxsiyyətin heykəli önünə gül dəstələri düzüblər.Görkəmli dövlət xadiminin keçdiyi ömür yolundan bəhs edən filmə baxıblar.”Heydər Əliyev:Hüquqi dövlət quruculuğu və demokratik cəmiyyət”mövzusunda təşkil edilən konfransda Göyçay rayon icra hakimiyyətinin başçısı Mehdi Səlimzadə ulu öndərin dahilik keyfiyyətlərindən söz açıb.Bildirib ki, o, nadir tarixi şəxsiyyət olmaqla müstəqilliyimizin qorunub saxlanılmasında,dövlət təsisatlarının yaradılmasında, hüquqi dövlət və demokratik cəmiyyət qurulmasında, azərbayçançılıq məfkurəsinin formalaşmasında misilsiz xidmətlər göstərib.Hələ sovetlər dönəmində Azərbaycana rəhbərlik edərkən ulu öndər Heydər Əliyev xalq təsərrüfatının müxtəlif sahələrinin inkişafına nail olmaqla yanaşı,milli-mənəvi dəyərlərimizin qorunması,ziyalılara qiqqət və qayğının göstərilməsi,milli kadrların yetişdirilməsi kimi mühüm məsələləri diqqət mərkəzində saxlayıb.O,Göyçayın inkişafı üçün də böyük xidmətlər göstərib.Rayonda xəstəxana və məktəblərin,yaşayış binalarının,istehsal müəssisələrinin tikintisi,kənd təsərrüfatının genişləndirilməsi məhz ümümmilli liderin qayğısı nəticəsində reallığa çevrilib.Heydər Əliyevin bizə irs qoyub getdiyi zəngin dövlətçilik təcrübəsi dərindən öyrənilməli və gənc nəslə təbliğ olunmalıdır.Konfransda ”Müasir Azərbaycanın banisi”,”Böyük Azərbaycanlı”,”Heydər Əliyev və Göyçay”,”Xilaskarlıq missiyası” mövzularında məruzələr oxunub.Ulu öndər heydər Əliyevin doğum günü münasibəti ilə Göyçayda iməcilik də keçirilib.Rayon sakinləri mərkəzi prospekt, küçə,park və xiyabanlarda,yol kənarlarında müxtəlif növ ağac əkiblər,mövcud yaşıllıqlara qulluq göstəriblər. Konfransdan sonra şəhər stadionunda Ulu öndərin əziz xatirəsinə həsr olunmuş məktəblilərin rəssamlıq üzrə əl işlərinin sərgisi və mini futbol yarışı keçirilmiş, tədbir Göyçay mədəniyyət işçilərinin konserti ilə yekunlaşdırılmışdır.