Göyçay rayon icra hakimiyyəti başçısının Ləkçılpaq kənd inzibati ərazi dairəsinə daxil olan Ləkçılpaq kənd sakinləri ilə növbəti səyyar qəbulu keçirildi

01 iyul 2016-cı il tarixdə Ləkçılpaq kənd sakinləri ilə keçirilən görüşdə kənd əhalisinin sosial problemlərinin öyrənilməsi və həll edilməsi məqsədilə rayon icra hakimiyyəti başçısının növbəti səyyar qəbulu keçirilmişdir. Qəbulda rayon İcra Hakimiyyətinin başçısı cənab Mehdi Səlimzadə, RİH başçısının müavinləri, icra aparatının şöbə müdirləri, rayonun hüquq-mühafizə orqanlarının, xidmət təşkilatlarının rəhbərləri və kənd sakinləri iştirak etmişlər. Göyçay rayon icra hakimiyyətinin başçısı cənab Mehdi Səlimzadə dövlət başçısı İlham Əliyev cənablarının rəhbərliyi ilə əldə olunmuş sosial-iqtisadi inkişaf, respublika əhalisini narahat edən sosial problemlərin həlli istiqamətində həyata keçirilən tədbirlər, infrastrukturun yaxşılaşdırılması üçün görülən işlər, son vaxtlar respublikamızda, həmçinin rayonda pambiqçılığın və baramaçılığın inkişaf etdirilməsinə göstərilən dəstəkdən danışmışdır. Bundan sonra vətəndaşların müraciətləri dinlənilmişdir. Kənd sakinlərindən Beydullayev Şahnəzər Şahmurad oğlu ona ünvanlı sosial yardım təyin olunması və ailə üzvlərinin xəstə olmasına, Mahmudov Gündüz Nizaməddin oğlu kənd həkim məntəqəsində dərman preparatları ilə təminatının yaxşılaşdırılmasına, Mahmudov Salam Əlisaab oğlu rayonda torpaq analizi laboratoriyasının yaradılması və digər məsələlər barədə təkliflərini bildirmişlər. Qaldırılan məsələlərin bir qismi qanunauyğun və operativ şəkildə yerindəcə öz həllini tapmış, digərlərinin həlli ilə əlaqədar  rayon İcra Hakimiyyətinin başçısı tərəfindən  aidiyyəti üzrə tapşırıqlar verilmişdir. Görüşün sonunda Rayon İcra Hakimiyyətinin başçısı cənab Mehdi Səlimzadə çıxış edərək ölkə başçısı İlham Əlyev cənablarının tapşırığı ilə mütəmadi keçirilən  səyyar görüşlərin bundan sonra da davam etdiriləcəyini, vətəndaşların sosial problemlərinin həlli istiqamətində səylərin artırılacağını qeyd etmişdir.