Göyçay rayonunun İnçə kəndinə təbii qaz verilib
Regionların sosial-iqtisadi inkişafı Dövlət Proqramına uyğun olaraq Göyçay rayonunda əhalinin təbii qaza olan tələbatının ödənilməsi üçün mühüm işlər görülür.
Rayonun İnçə kəndinin qazlaşdırılması üçün görülən işlər başa çatıb.
Mart ayının 8 də bu münasibətlə keçirilən mərasimdə məlumat verilib ki, uzun illik fasilədən sonra 1023 abonenti olan Göyçay rayonunun İnçə kəndinin yenidən qazlaşdırılması zamanı birpilləli sistem əsasında 55 min 463 metr uzunluğunda müxtəlif diametrli polietilen və metal borularla daşıyıcı, məhəllədaxili qaz xətləri çəkilib, hər bir abonent üçün ayrıca sayğac və fərdi tənzimləyici quraşdırılıb.
Açılış mərasimində çıxış edən kənd ağsaqqalları, ziyalılar əhaliyə təbii qazın verilməsinin bayrama çevrildiyini bildirib və bu sevinci onlara bəxş edən Azərbaycan Respublikasının Prezident İlham Əliyev cənablarına öz minnətdarlıqlarını çatdırıblar.
Sonra kəndlərə təbii qazın verilişi münasibətilə rəmzi məşəl alovlandırılıb.
