Həmyerlimiz yeniyetmələrin II Yay Olimpiya oyunlarında gümüş medal qazanmışdır
09 -10 may 2014-cü il tarixində Bolqarıstanın Samakov şəhərində Yunan-Roma güləşi üzrə 1998-ci il təvəllüdlü yeniyetmələrin Avropa birinciliyi keçirilmişdir. Həmyerlimiz Cabbar Nəcəfov həmin birincilikdə Azərbaycanın yığma komandası tərkibində iştirak etmişdir. 0,50 kq çəki dərəcəsində bütün rəqiblərinə qalib gələrək Avropa çempionu olmuş və Çinin Nanjinq şəhərində keçirilən yeniyetmələrin II Yay Olimpiya oyunlarına lisenziya əldə etmişdir.
Nanjinq şəhərində 20-26 avqust tarixlərində keçirilən yarışda həmyerlimiz yalnız finalda özbək idmançısına xal hesabı ilə uduzaraq gümüş medala layiq görülmüşdür. Ölkə prezidenti cənab İlham Əliyev idmaçıları onların məşqçilərini qəbul etmiş və onlara öz ürək sözlərini söyləmişdir. Cabbar Nəcəfova və onun məşqçisi Namət Şirinova ölkə prezidentinin sərəncamı ilə pul mükafatı ayrılmışdır.
Cabbar Nəcəfovu, Namət Şirinovu rayon icra hakimiyyəti başçısı Mənsur Məmmədov qəbul etmiş və onlara xatirə hədiyyələri təqdim olunmuşdur.
