Rayon rəhbərliyi Qarabağ müharibəsi şəhidlərinin məzarlarını ziyarət etmişlər

22 mart 2022 | 16:00

21 mart 2022-ci il tarixdə Novruz bayramı münasibətilə rayon İcra Hakimiyyətinin başçısı səlahiyyətlərini müvəqqəti icra edən İkram Vəliyev, rayon İcra Hakimiyyəti başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin əməkdaşları, rayonun idarə, müəssisə, təşkilat rəhbərləri, dindarlar, ağsaqqallar, ictimaiyyət nümayəndələri Göyçay şəhər Şəhidlər Xiyabanını ziyarət etmişlər.
Ziyarətçilər vətənimizin müstəqilliyi və sərhədlərimizin bütövlüyü uğrunda canlarını fəda etmiş Qarabağ müharibəsi şəhidlərimizin əziz xatirəsini bir dəqiqəlik sükutla yad etmiş, məzarları üzərinə gül-çiçək dəstələri düzmüşlər.
Şəhid ailələri onlara göstərilən diqqət və qayğıdan razı qaldıqlarını bildirərək ölkə Prezidenti, Ali Baş Komandan cənab İlham Əliyevə və rayon rəhbərliyinə minnətdarlıqlarını ifadə etmişlər.

Keçidlər