Göyçay Gənclər Evində ilaxır çərşənbə qeyd olunmuşdur

 15 mart 2022-ci il tarixdə Göyçay Gənclər Evində Uşaq Gənclər İnkişaf Mərkəzinin, Göyçay Gənclər və İdman İdarəsinin birgə təşkilatçılığı ilə ilaxır çərşənbə - Torpaq çərşənbəsi qeyd olunmuşdur.
Tədbirdə rayon İcra Hakimiyyəti başçısının müavini Zivər Zeynalova, Uşaq Gənclər İnkişaf Mərkəzinin direktoru Zahidə Mirzəyeva, Göyçay Gənclər və İdman İdarəsinin rəisi Elşən Şirinov, Göyçay Gənclər Evinin direktoru Fərid Əkbərov və rayon gəncləri iştirak edirdilər.
  Rayon İcra Hakimiyyəti başçısının müavini Zivər Zeynalova çıxış edərək artıq bayram tonqallarımızın əvvəlki illərdən fərqli olaraq Şuşanın ən hündür dağlarının zivəsində qalanacağını bildirdi və bütün keçmiş ağrı acılarımızı, kədərimizi bu tonqalda yandırıb birlik və bərabərlikdən doğan Qələbə ovqatımızla novruz səhərində günəşi salamlayacağımızı qeyd etdi. Müzəffər Ali Baş Komandan Ölkə Prezidenti İlham Əliyevin rəhbərliyi və ordumuzun gücü, qüvvəsi ilə dillərə dastan olan Şuşa döyüşünə şahid edən dağlar indi Novruz tonqalı ilə düşmənə göz dağı verəcəyini bildirdi.
  Tədbirdə çıxış edən Göyçay Gənclər və İdman idarəsinin rəisi Elşən Şirinov, Uşaq Gənclər İnkişaf Mərkəzinin direktoru Zahidə Mirzəyeva, Göyçay Gənclər Evinin direktoru Fərid Əkbərov, Vətən müharibəsi iştirakçısı Bayram Vəliyev ilaxır çərşənbə və ulu babalarımızdan bizə miras qalan birlik və bərabərlik rəmzinə çevrilən novruz bayramı münasibətilə hamını təbrik etdilər.
Bayram təbdiri rayon gənclərinin hazırladığı maraqlı musiqili program, novruz personajları kosa və keçəlin iştirakı ilə davam etdi.