Göyçayda Yel çərşənbəsi qeyd olunub

08 mart 2022 | 16:00

8 mart 2022-ci il tarixdə ilaxır çərşənbələrdən üçüncüsü “Yel çərşənbəsi” münasibətilə rayonda bayram tədbiri təşkil olunub.
Tədbirdə rayon İcra Hakimiyyətinin başçısı səlahiyyətlərini müvəqqəti icra edən İkram Vəliyev, RİHB-nın müavinləri, hüquq-mühafizə orqanlarının rəhbərləri, YAP Göyçay rayon təşkilatının sədri və ictimaiyyət nümayəndələri iştirak ediblər.
Şəhərin mərkəzində tonqal qalanıb, rayon Mədəniyyət Mərkəzinin hazırladığı proqramda Novruz personajları keçəl və kosa rayon sakinlərini təbrik edib, konsert proqramı ilə çıxış ediblər.
El arasında “Külək oyadan çərşənbə”, “Küləkli çərşənbə” kimi tanınan bu çərşənbə tonqal ətrafında “Yallı” rəqsi və “Azərbaycan” mahnısı ilə yekunlaşıb.

Keçidlər