Yeni Azərbaycan Partiyası Göyçay rayon təşkilatının yaradılmasının 29-cu ildönümünə həsr olunmuş tədbir keçirildi

 05 mart 2022-ci il tarixdə Yeni Azərbaycan Partiyası Göyçay rayon təşkilatının inzibati binasında keçirilən tədbirdə YAP Göyçay rayon təşkilatının sədri Sahib Şükürov, Rayon İcra Hakimiyyətinin başçısı səlahiyyətlərini müvəqqəti  icra edən İkram Vəliyev, RİHB-nın müavinləri Ədalət Dövlətov, Zivər Zeynalova, YAP Göyçay rayon təşkilatının yaradılmasında xidmətləri olan şəxlər və gənclər iştirak etmişlər.
  Tədbir iştirakçıları əvvəlcə ulu öndər Heydər Əliyevin abidəsini ziyarət edərək önünə gül-çiçək dəstələri düzmüş, xatirəsini ehtiramla yad etmişlər.
Tədbirdə xalqımızın ümummilli lideri, Partiyamızın yaradıcısı Heydər Əliyevin, YAP Göyçay rayon təşkilatının yaradılmasında xidməti olub vəfat etmiş şəxslərin, 44 günlük Vətən müharibəsində şəhid olmuş qəhrəmanlarımızın əziz xatirəsi bir dəqiqəlik sükutla yad edilmişdir.
  YAP Göyçay rayon təşkilatının sədri Sahib Şükürov rayon təşkilatının yaradılmasının 29-cu ildönümü münasibətilə tədbir iştirakçılarını təbrik edərək rayon təşkilatının yaranma tarixi və 29  ildə keçdiyi şərəfli yol barədə geniş məlumat verdi. Qeyd etdi ki, YAP-ın siyasi zərurətdən və ictimai tələb əsasında yaranmış partiya olduğunu bildirərək bu gün cənab Prezident, partiyanın sədri İlham Əliyevin rəhbərliyi ilə Azərbaycan öz müasir, möhtəşəm tarixini yaşayır.
  Rayon İcra Hakimiyyətinin başçısı səlahiyyətlərini icra edən İkram Vəliyev çıxış edərək rayon təşkilatının yaradılmasının 29-cu ildönümü münasibətilə tədbir iştirakçılarını təbrik etdi. Yeni Azərbaycan Partiyasının yaranma tarixindən geniş söhbət açaraq partiyamizin şərəfli yol keşdiyini qeyd etdi. İ.Vəliyev bildirdi  ki, Ulu Öndərimiz Heydər Əliyev öz müdrüklüyü, bilik və bacarığı, siyasi fəaliyyətilə bugünkü müasir, müstəqil, qüdrətli Azərbaycanin əsasını qoyub. Ölkəmizin bugünkü inkşafına gəlib çatmasında Yeni Azərbaycan Partiyasının tarixi, siyasi fəaliyyəti böyükdür.
  Daha sonra çıxış edən partiyanın veteranları Yeni Azərbaycan Partiyası Göyçay rayon təşkilatının yaranma tarixindən, cəmiyyətində tutduğu mövqedən , Heydər Əliyevin ideyaları əsasında formalaşan, böyük inkişaf yolu keçən Partiyamızın uğurlarından danışıblar.
Tədbirin sonunda  partiya veteranlarından olan Pakizə Salahova və Şərafəddin Quliyevə ad günləri münasibəti ilə partiyanın yerli təşkilatının rəhbərliyi tərəfindən hədiyyələr təqdim edilib.