Şriftin ölçüsü :

Saytın rəngi :

İcra Hakimiyyəti
Qaynar xətt: (+994 020) 274-61-55, (+994 020) 274-05-74.

Rayonda koronavirus pandemiyasına qarşı mübarizə tədbirləri davam edir

21 iyul 2020 | 16:00

Bütün dünyanı bürüyən COVİD-19 pandemiyası çox təəssüf ki, ölkəmizdən də yan  keçməmişdir. Ölkə Prezidenti cənab İlham Əliyevin tapşırığı ilə Azərbaycan Respublikası Nazirlər Kabineti yanında yaradılmış Operativ Qərargahın qərar və tövsiyyələrinə uyğun olaraq rayonda da xüsusi qərargah yaradılmış və  koronavirus pandemiyası ilə mübarizədə əhalinin sağlamlığının qorunması, infeksiyanın yayılmasının və onun törədə biləcəyi fəsadların  qarşısının alınması məqsədilə hər gün  sanitar-dezinfeksiya tədbirləri həyata keçirilir.
Rayonda hər birində 4 nəfər olmaqla 31 mobil qrup fəaliyyət göstərir. Mobil qrupların tərkibinə  rayon İcra Hakimiyyəti, rayon Polis şöbəsi, kənd inzibati ərazi dairələri üzrə nümayəndələri, bələdiyyə üzvləri və gənc könüllülər daxildirlər. Mobil  qruplar  koronovirus pandemiyasına qarşı mübarizə tədbirlərinin tətbiq olunmasına nəzarəti gücləndirmək məqsədi ilə  rayon ərazisində reydlər həyata keçirirlər. Onlar ticarət və ictimai-iaşə obyektlərində, eləcə də  ictimai nəqliyyat  vasitələrindən istifadə edən sakinlərlə maarifləndirici söhbətlər aparır, infeksiyanın yayılmasının  qarşısının alınması üçün sosial məsafənin qorunması  və tibbi maskalardan istifadənin zəruri olduğunu, gigiyenik qaydalara düzgün riayət olunmasını, yas mərasimlərinin məhdudlaşdırılmasını tövsiyyə edirlər. 
Ümumdünya Səhiyyə Təşkilatı və dünyada  çalışan tanınmış həkimlər koronavirusla bağlı dərin elmi araşdırmalar aparır, lakin hələki  müsbət nəticələr  əldə edilməyib. Xahiş edirik, Ümumdünya Səhiyyə Təşkilatı, Səhiyyə Nazirliyi və İcbari Tibbi Sığorta üzrə Dövlət Agentliyinin koronavirus ilə bağlı  tövsiyələrə əməl edin: 

• Özünüzü və başqalarını xəstəlikdən qoruyun
• Koronavirus infeksiyası riskini azaldın
• Əllərinizi sabun və su ilə yuyun, spirt tərkibli təmizləyici ilə yuyun
• Öskürərkən/asqırarkən ağız və burnunuzu dəsmal, və ya dirsək bükümünüzlə bağlayın
 

Keçidlər