“17 iyun - Tibb işçilərinin Peşə bayramı günü” münasibətilə Rayon İcra Hakimiyyətinin başçısının təbriki
Rayon İcra Hakimiyyətinin başçısı “17 iyun - Tibb işçilərinin Peşə bayramı günü” münasibətilə Göyçay rayon Mərkəzi Xəstəxanası Publik Hüquqi Şəxsin rəhbərliyi ilə video konfrans keçirdi.
Konfransı giriş sözü ilə açan rayon İcra Hakimiyyətinin başçısı əvvəlcə tibb işçilərinin Peşə bayramı günü münasibətilə səmimi qəlbdən təbrik edərək bildirdi ki, insanların sağlamlığının keşiyində layiqincə dayanan tibb işçiləri həmişə öz işlərinə vicdan və məsuliyyət hissi ilə yanaşaraq fəal vətəndaşlıq mövqeyi nümayiş etdiribər.
Qayğıkeşlik, əməksevərlik kimi nəcib insani keyfiyyətlər Göyçay tibb işçilərinin xarakter və mənəviyyatına xas olmuşdur. Məhz buna görədir ki, bu gün bütün dünyanı bürümüş koronavirus pandemiyası ilə mübarizəyə qatılmış rayonun tibb işçiləri də koronavirus (COVİD-19) ilə mübarizədə ön xətdədir.
Tibb işçilərinin bu çətin günlərdə istirahətsiz olaraq xəstələrə göstərdikləri xidməti yüksək qiymətləndirən Ölkə Prezidenti cənab İlham Əliyevin bu fikirləri həkimlərə olan inamdan irəli gəlir “Azərbaycan xalqı həkimlərin fədakarlığına çox yüksək qiymət verir. Mən də bir daha bütün həkimlərə minnətdarlığımı bildirmək istəyirəm. Onlar öz həyatlarını risk altına atırlar. Onlar aylarla ailə üzvlərini görə bilmirlər və çox ağır şəraitdə xüsusi geyimlərdə gecə-gündüz xəstələrin yanındadırlar. Onların həyatını xilas edirlər. Bizdə ölüm səviyyəsinin çox aşağı olması ilk növbədə həkimlərin peşakarlığı, fədakarlığı hesabınadır”.
Göyçay rayon Mərkəzi Xəstəxanası Publik Hüquqi Şəxsin baş direktoru Elçin Bilalov ölkə Prezidentinin tövsiyyə və tapşırıqlarına uyğun olaraq vətəndaşlara keyfiyyətli xidmət etməyə, onların sağlamlıqlarını qorumaq üçün hər cür tibbi yardım göstərməyə daim hazır olduqlarını bildirmiş, təbrikə görə rayon İcra Hakimiyyətinin başçısı M.Səlimzadəyə təşəkkürünü bildirmişdir.
Sonda rayon İcra Hakimiyyətinin başçısı tərəfindən rayonun tibb işçilərinə ünvanlanmış təbrik məktubu oxunmuş, koronavirusa qarşı mübarizədə tibbi xidməti xeyli müddətdir davam edərək həkimlərə və orta tibb işçilərinə rayon icra hakimiyyəti başçısının imzalanmış təşəkkürnamələri çatdırılmışdır.
