Şriftin ölçüsü :

Saytın rəngi :

İcra Hakimiyyəti
Qaynar xətt: (+994 020) 274-61-55, (+994 020) 274-05-74.

Göyçayda dövlət qulluqçuları peşə bayramlarını qeyd ediblər

23 iyun 2018 | 16:00

Göyçay rayon icra hakimiyyətində keçirilən tədbirin iştirakçıları əvvəlcə ümummilli lider Heydər Əliyevin xatirəsini ehtiramla yad edərək abidəsi önünə gül dəstələri düzüblər. Sonra rayon icra hakimiyyətində davam etdirilən tədbirdə icra hakimiyyətinin başçısı cənab Mehdi Səlimzadə dövlət qulluqçularını peşə bayramı münasibətilə təbrik edib. İcra hakimiyyətinin başçısı qeyd edib ki, dövlət qulluqçularının peşə bayramı Prezident İlham Əliyevin 2006-cı il 25 may tarixli Sərəncamı ilə təsis olunub. Azərbaycanda müasir dövlət qulluğu sisteminin formalaşdırılması və inkişafında, demokratik, hüquqi və dünyəvi dövlət quruculuğunda ümummilli lider Heydər Əliyevin əvəzsiz xidmətləri olub. 2000-ci il iyulun 21-də “Dövlət qulluğu haqqında” Azərbaycan Respublikasının Qanunu qəbul olunub. Ölkəmizdə dövlət quruculuğu, dövlət idarəetmə sisteminin formalaşması və dövlət qulluğunun inkişafı proseslərində ümummilli lider Heydər Əliyevin xidmətlərini yüksək dəyərləndirən icra hakimiyyətinin başçısı Ulu Öndərin Azərbaycanda ikinci dəfə hakimiyyətə gəlişi ilə müasir dövlətçiliyimizin əsaslarının yaradıldığını bildirib. Diqqətə çatdırılıb ki, dərindən düşünülmüş və elmi cəhətdən əsaslandırılmış proqramların hazırlanması və icrasının təmin edilməsi, Azərbaycanın yüksək iqtisadi sıçrayışına və stabil inkişafına etibarlı zəmin yaradan nəhəng quruculuq işləri hər bir vətəndaşımızda qürur hissi yaradır. Tədbirdə çıxış edən dövlət qulluqçuları yaradılan şəraitə görə ölkə prezidenti İlham Əliyev cənablarına öz minnətdarlıqlarını bildiriblər. Tədbirin sonunda dövlət qulluğunda səmərəli fəaliyyət göstərənlərin bir qrupuna təşəkkürnamələr təqdim olunub.

Keçidlər